طالبة مدرسة الريان الاساسية

[ضحية في زمن الظلم]

السلام عليكم
انا طالبة من مدرسة الريان بدي احكي شوي عن الظلم الي بصير في معظلم المدارس وخصوصا الظلم في العلامات انا بواجه مشكلة مع معلمة الرياضيات في مدرسة الريان ما بتعطي كل طالبة حقها بالعلامات وبتصلح الامتحانات حسب اسم الطالبة مو حسب حلها,, في بعض الحل الصحيح بتحط عليه غلط مع انو بكون للسؤال اكتر من طريقة للحل بس هيده معلمة الرياضيات ؟؟؟؟؟ ما بتعترف الا بحل واحد ولو الحلول التانية كانت صحيحة بس ما بعرف بتخترع الغلط للبنت الي ما بتحبها من تحت الارض اما البنات الي بتحبهم صح صح صح صح مع انو الحل ما بكون كامل بس المهم عندها انو حبيبتها حالة.. مو مهم صح ولا غلط وانا شفت اكتر من بنت الحل عندها مو كامل بس اكيد علامة كاملة بما انو حبيبة المعلمة...... انا حكيت مع المعلمة كتيررر ومو بس مع المعلمة مع النائبة بما انو ما في عنا مدير وحكيت لأاكتر من معلمة واكتر من شخص من التربية بس ما حد سمع وبتمنى حد يحكيلي شو اعمل بعد كل هااااااااااااااد وشكرا.
مع تحياااااااااات:ضحية في زمن الظلم

 

[الزعيم]

أعانكم الله وإن شاء الله يصل الصوت للجميع

 

[ضحية في زمن الظلم]

ان شاء الله
بس والله ما في حد قلقان بحد
الكل بيجري ورا مصلحة نفسه فعلا انو مجتمع..........لا ما بدي احكي شي لأنه اذا قلت شي رح ينحذف على طوووول لأنه ممنوع الكلام الصحيح ينقااااااااااال.....بس مهما كتبت ومهما قلت ما في شي رح يتغير المجتمع الي اساسه اخطاء اكيد رح يكووون كلوووو مشااااكل وما في شي رح يتصلح واذا كان في شي منيح في هالمجتمع المحتل اكيد شي بسيط ومو باين بس ما رح تعب حالي بالكتابه لأني عارفة انوو ع الفااضي...

 

[عائشة]

كل الكلام اللي حكيتيه صحيح للأسف بلدنا كلها ماشية بالمعرفة وبالمال وخصوصا في التعليم
دايما الطالب هو الغلطان والمعلمة حتى لو كانت غلطانة ما بتتحاسب
لكن اذا كان ما في عدل على الارض اكيد رح نوخذ حقوقنا عند رب العالمين

 

[ضحية في زمن الظلم]

معك حق عائشة 100% بس شو طالع بيدينا...اكيد ولا شي بما انو ما في حد رح يسمع

 

[عائشة]

معك حق عائشة 100% بس شو طالع بيدينا...اكيد ولا شي بما انو ما في حد رح يسمع

كلام صحيح لكن إذا بدنا نسكت عن حقوقنا علشان ما حدا بيسمعنا رح تضيع حقوقنا
والكلام اللي كتبتيه أنا شفته وكثير رح يشوفوه على هذا الملتقى وأكيد رح يصل الموضوع لطالبات مدرسة الريان وبالتالي رح يصل الكلام لأكبر عدد ممكن

 

[ضحية في زمن الظلم]

اها عارفة انو الكل رح يسمعه بس الناس ماخدة قاعدة وهي ((طنش تعش تنتعش))ما بقلق ما رح يسمعوا امبلا بس ما رح يهمهم الموضووووع

 

[الزعيم]

اها عارفة انو الكل رح يسمعه بس الناس ماخدة قاعدة وهي ((طنش تعش تنتعش))ما بقلق ما رح يسمعوا امبلا بس ما رح يهمهم الموضووووع

توجيهي وهي مرحلة مهمة في حياة الطلبة ما حد مهتم فيهم في هاي المرحلة بيجيبولهم امتحانات تحدي لا تراعي المستويات وبعد هيك بيقولوا إن الامتحان كان بيتصف بالشمول والاتزان
لا أدري عن أي شمول أو اتزان يتحدث هذا المسئول
لا يوجد مصداقية ولا تقبل للنقد البناء للأسف
يجب أن يكون كلام المسؤول هو الصحيح ورأي الطلبة والأساتذة الذين قالو بأن الامتحانات معقدة ولا تراعي المستويات والفروقات الفردية للطلبة بشكل عام وهم "أي الطلبة والأساتذة " أهل خبرة وعلم وأقرب من المسئول لما يدرسونه ويتعلمونه ويعلمونه للطلاب
نتمنى لجميع الطلبة التوفيق في الدراسة ونيل أعلى الدرجات

 

[ضحية في زمن الظلم]

الله ينجحهم ويوفقهم.................... والله يعينهم على الاسئلة